居食屋「和民」 (Closed)

星期六夜晚去食, 好彩早去到, 6 點幾到啦, 好快有位, 如果唔係就有排等, 走個時都見到好多人等緊位。2 個人, 都叫左唔少野: 豆漿豚肉鍋; 雜綿刺身; 紅酒洋蔥汁燒羊架; 海膽壽司; 海膽蒸蛋; 還有一杯甘荀益力多。春季特別推出的豆漿豚肉鍋比較失色, 得好少豆漿, 仲會有少少「痴」底, 豚肉都唔算好食, 好淡, 冇咩味。刺身壽司一向都唔係和民主打, 但因為突然想食, 所以都叫左。出奇地都幾好食, 刺身細細件咁, 但數量都幾多, 而且都ok 新鮮。海謄壽司都新鮮, 幾好食。燒羊架上次食過好好食, 所以今次再叫, 但同上次差好遠。煎得唔夠香, 又唔夠味, 有一件裡面仲係生生地, 好差。整體印象比上次差左囉....可能因為係星期六, 人多, d 野馬虎d 掛。