撈得喜火鍋冰室

Open Now

Now Closed

今日去左呢間新開嘅餐廳到食，諗住新開應該都冇咩問題，堂食完之後叫左個外賣，就係呢件事令到佢成為我不會再幫襯嘅餐廳。事源就係叫左早餐，炸菜肉絲米線，餐肉炒蛋方包，熱奶茶。堂食價錢$37，我睇睇張單收左我$40，我仲以為佢寫錯咗，好少見茶記或者餐廳收成$3外賣錢都算，諗住佢會包得好好睇睇，點知一黎到就係咁樣佢將所有嘅餸放晒係一個碗，連埋啲湯，啲蛋都被啲湯浸到一pat野咁，視覺效果極度惡劣，滑蛋咁浸法都唔好食得去邊我之後好聲好氣咁同個店員話想反映下啲意見同比啲建議，話分開裝會好啲，點知個店員仲理直氣壯咁講，‘如果你分湯嘅話要一開始就講！如果唔係我地唔會咁做‘聽到果下真係火都黎，我點知你嘅做法同出面外賣唔洗加錢咁樣姐，收得我$3都仲要咩都講清講楚，講到完全係我問題咁，咁係咪要問埋你$3點計出黎呀（續個計$1都計唔掂喇）你可以話係$3嘅問題，但又反映出佢做生意嘅手法，為左果少少，連外賣盒錢都賺到咁盡，值得咩？對我黎講，永不再幫襯，完！Ps. 堂食嘅沙嗲牛肉麵嘅牛肉唔知食緊咩肉，用左一堆鬆肉粉令到你入口即溶，平價想試和牛嘅texture嘅話可以try try。