Burger Land (Closed)

終於又過返週末出街周圍都係人嘅日子，難得去荃灣其實本身係想食同一條街另一間排長龍嘅餐廳，點知條隊真係長得太恐怖，果斷放棄。見到呢間burger都有唔少人排，同伴都話有人介紹過好食，所以就決定排隊，當時前面有5組人左右啦，都ok的。企定定上網search下，先發現原來今個月尾就結業了(´Д` )估唔到第一次食就係最後一次，所以決定叫多啲野試下！•牛肉芝士漢堡 Lunch Set•香芒手打蝦堡•小食拼盤(奇脆蝦多士x4+吉列廣島蠔x3+香脆魷魚圈x4)Burger唔錯，但驚艷嘅係小食拼盤！Openrice竟然冇人講🫠雖然太遲但都等我講吓！佢個蝦多士雖然其貌不揚但超級好食！！！夾心蝦膠大大舊超彈牙又重蝦味，我覺得仲好食過蝦堡🙈重點係bite size食得好輕鬆又冇負擔，我可以食多一份🤣之後廣島蠔炸得超好味，酥脆之餘完全冇腥味，大推！！魷魚圈相比之下冇乜特別，但都係炸得好好食，唔乾，沙律醬有加分！另外仲有杯凍檸茶都好好飲😋希望將來有機會再食到，見到似乎有好多熟客專登黎道別，真係實力嘅證明。