榮記潮洲粉麵

Open Now

Now Closed

每次行到西環尾，都會幫襯呢間老字號潮州粉麵。上次嚟到冇開，原來逢星期一休息。出品大眾化，粉麵樣樣都唔錯，平均價大約$36 $38一碗，撈麵貴少少。40 零蚊一個。豬什湯河粉，豬什新鮮，沒有異味，河粉滑，加上切幼芹菜，少許爽口芽菜及芫茜。十分之爽口香口容易入口。而湯底亦十分之清，沒有其他舖頭的味精湯感覺。墨魚丸紫菜湯河粉，墨魚丸爽口，紫菜香爽，冇沙。加上大量芹菜及芫荽蔥。食落有清新的感覺。至於墨魚鬚米粉，新鮮，彈牙，爽口，有趙口。加埋大量的配菜，食得10分過癮。老闆娘十分之慷慨，聽聞我哋講，芹菜好香，但少咗啲。於是她馬上用匙羹奉上，差不多鋪滿咗成碗米粉。老字號，舊作風，鋪面都算整潔。行到附近，不防一試。