Video
Read full review
2023-11-14
1340 views
鬧市中嘅一間車仔麵店裝飾懷舊附有港式情懷，門口黑膠唱片機仲播住一啲經典金曲🎤入座之後自行剔紙仔落單，配料款式都係比較傳統▶️ 三餸車仔麵 ($49)麵底七選一，揀咗粗麵平日少食呢類麵，只係細個食撈粗麵嘅時候「接觸」過麵質還可以，屬爽彈形，不過少少易斷味道上帶微微獨有嘅鹼水味 湯底係滷水湯，呈深啡色，味道濃郁入味，應該係自己用煲，食到尾見到有塊金不換香葉🌱另外仲有香蔥芫荽，令湯底更加香唔油膩，不過偏鹹，食完幾口渴吓三餸揀咗推介嘅滷水孖筋、蠔油花菇、糖心滷水蛋滷水孖筋確實好食👍🏻質感實身煙韌彈牙，唔係腍啤啤或過硬，只係份量有啲少三粒蠔油花菇口感唔錯，有香菇味，不過唔夠juicy🍄糖心滷水蛋做到半熟效果，蛋黃望落晶瑩剔透 (只係邊位熟咗少少)可惜味道一般，唔夠入味，蛋白食唔到滷水味，蛋黃食唔到甜味🙁-只能話係一碗平平無奇嘅車仔麵，除咗牛筋好食之外其他都好一般 (朋友叫嘅五香牛腩唔得，貢丸好一般)如果湯底冇咁鹹都唔錯嘅服務ok，上菜快手，侍應多為一啲上咗年紀嘅哥哥姐姐環境舒服嘅，鍾意佢內部裝修，好有舊式香港風味🇭🇰性價比一般，每碗麵同配料份量唔多，食完一碗唔會夠飽😅不過有學生證可以減$5如果係為
裝飾懷舊附有港式情懷，門口黑膠唱片機仲播住一啲經典金曲🎤
入座之後自行剔紙仔落單，配料款式都係比較傳統
▶️ 三餸車仔麵 ($49)
麵底七選一，揀咗粗麵
平日少食呢類麵，只係細個食撈粗麵嘅時候「接觸」過
麵質還可以，屬爽彈形，不過少少易斷
味道上帶微微獨有嘅鹼水味
湯底係滷水湯，呈深啡色，味道濃郁入味，應該係自己用煲，食到尾見到有塊金不換香葉🌱
另外仲有香蔥芫荽，令湯底更加香
唔油膩，不過偏鹹，食完幾口渴吓
三餸揀咗推介嘅滷水孖筋、蠔油花菇、糖心滷水蛋
滷水孖筋確實好食👍🏻質感實身煙韌彈牙，唔係腍啤啤或過硬，只係份量有啲少
滷水孖筋
28 views
0 likes
0 comments
三粒蠔油花菇口感唔錯，有香菇味，不過唔夠juicy🍄
蠔油花菇
18 views
0 likes
0 comments
糖心滷水蛋做到半熟效果，蛋黃望落晶瑩剔透 (只係邊位熟咗少少)
可惜味道一般，唔夠入味，蛋白食唔到滷水味，蛋黃食唔到甜味🙁
糖心滷水蛋
20 views
0 likes
0 comments
-
只能話係一碗平平無奇嘅車仔麵，除咗牛筋好食之外其他都好一般 (朋友叫嘅五香牛腩唔得，貢丸好一般)
五香牛腩
20 views
0 likes
0 comments
如果湯底冇咁鹹都唔錯嘅
服務ok，上菜快手，侍應多為一啲上咗年紀嘅哥哥姐姐
環境舒服嘅，鍾意佢內部裝修，好有舊式香港風味🇭🇰
性價比一般，每碗麵同配料份量唔多，食完一碗唔會夠飽😅不過有學生證可以減$5
如果係為氣氛嘅話可以一試，但為車仔麵就不了
Post
