山東餃子館 (Closed)

近期經常聽到呢句: ...其實我覺得好傳神, 我自己自細都帶著茅盾去深水埗o架啦~  一向都唔鍾意去, 偏偏媽媽好喜歡帶我們去, 深水埗在我心中一直是地方稠密污糟邋遢、又多古怪阿叔阿伯望著人的眼神有點恐怖、行到邊都俾人揩撞、街道又特別熱...但另一方面唔去一排又會掛住呢個咁嘅地方, 貪佢夠雜夠多古靈精怪嘢買、鴨寮街、北河街、大南街、黃金...全部都好多嘢睇好多嘢買好多嘢好食, 媽咪帶我去食嘅腸粉、北河商場旁邊那間小店, 北河街入面買俾我食嘅糕點, 哦~  原來我自細已經食合興泰/坤記/生隆餅家/八仙~   我食嗰陣淨係食, 咩名堂都完全唔清楚, 而家至知係寶!  近年更加多地方要去...新香園、德發、劉森記等等(再數落去又寫到下年都唔完一篇喇), 所以深水埗依家唔多唔少一個半個月都要去番次~  今日星期日無事忙, 我們又來了深水埗, 有咩想食?!  這間經過常常都爆場好想試的山東餃子館今日非繁忙時間望入去有位, 咁就唔駛諗, 入去啦go go go~手打麵係主打, 咁當然要試試~湯頭清甜, 食完唔口渴, $30大元, 食得過!煎餃子好多地方午市話忙唔做俾你, 呢度照收錢照做咁當然要來一