宮葉 パフェ (Closed)

今日出旺角去銀行整d 野，整完有d 肚餓，經過見到有間日本餐廳，於是入去試下。由於我同媽媽肚餓關係，2人都叫了咖喱飯，我自己叫了炸豬咖喱飯，豬排炸槳整得幾好，唔太厚，但豬排質感一般，無肉汁，不過估都估唔到日本咖喱不是甜咖喱，而是辣咖喱，唔食得辣的人會覺得很辣，我食完都飲左好多水。但白飯煲得幾好，是珍珠米，配上溫泉蛋食一流。媽咪叫了雞排咖喱飯，雞排肉質嫩，但無咩雞味。最後我地叫了綠茶味格仔餅配綠茶雪糕，格仔餅整得好好食，粉槳整得幾好，配上綠茶cream 食一流，綠茶味雪糕入面有d 冰粒整，所以綠茶味淡少少，但整體甜品都好食。