常嚐食•深燒堂 (Closed)

今晚收工去左試新餐廳，地點係旺角花園街常嚐食•深燒堂，菜式係港式串燒。今日天寒地凍，食返d熱辣辣串燒就合時啦！餐牌有招牌花甲粉，串燒有多款選擇，有海鮮，厨師推介，日台系列，蔬菜，肉串，丸類，另外仲有甜品，飲品同酒水。有多個辣度選擇。落單自己喺紙度剔就得，好方便。無加一。第一次黎，我一支公叫咗幾串推介串燒試試。燒安格斯一口牛 $38呢個燒安格斯一口牛有兩個推介手指，一串有4件，大大粒，一上枱就聞到好香孜然粉味，一口牛味道辣度適中，好惹味，肉質都算腍。燒原件羊架 $68呢個燒原件羊架都有兩個推介手指。羊架大大件，非常熱辣辣，面頭滿滿孜然粉，味道唔錯。連骨有少少脂肪。紅綠燈三色椒一口牛 $38呢個紅綠燈三色椒一口牛有一個推介手指。賣相比一口牛更吸引，因為有紅黃綠三色椒相間，食落更添滋味減低膩度。一串都係大概有4份左右。我全部揀咗少辣。我覺得辣度對我黎講啱啱好，食完個嘴仲有辣辣餘燼。