IS Café (Closed)

今晚同屋企兩老去了食自助晚餐，但鑑於肺炎肆虐，很多酒店都改變了模式，就好似這間如心南灣酒店，由自助模式改為下單入紙的任飲任食，款式可以同平時略減少，但大部份的食物都很齊全。海鮮方面有長腳蟹、蝦、蜆等等，長腳蟹叫幾多都比足，蟹肉有海水咸味且鮮甜，最重要係唔會結了冰，其他海鮮都不俗，唯獨蜆肉略欠鮮味。沙律及頭盤都有數款，巴士火腿配蜜瓜當然是首選，蜜瓜的甜味剛好中和火腿的咸味，兩者得以平衡；羅馬生菜及其他蔬菜新鮮爽脆，配黑醋汁開胃清新。中湯是茶樹菇煲豬𦟌，味道略淡，茶樹菇味道較微，反而忌廉湯很濃郁又creamy。刺身就試了三文魚及吞拿魚，三文魚是腩邊部份，肥美甘香。熱盤的款式較多，焗蠔、炸蠔、薑蔥蠔都有，不過焗蠔味道較鮮。烤羊柳竟然有驚喜，羊肉嫩腍又唔會太騷；西冷就似普通煎牛扒，煎得太熟。最後甜品細細件，正好一口一件，芝士蛋糕是我至愛，奶凍又滑又有牛乳香，當然唔少得Häagen-Dazs。