Video
Read full review
2014-11-26
17908 views
在討論區見到呢間平價自助餐，問清楚之後，發現居然位於鬧市，仲要係朗豪坊。在旺角區，二百蚊的放題選擇都幾多，自助晚餐真係第一次見。應該咁講，二百蚊的自助晚餐係香港都係少見。因為早到，大約六點半，唔洗等位就可以ｗａｌｋ-ｉｎ。七點之後，人就開始多，食完之後見到出面都有人等位。 入到餐廳，用餐環境高雅，坐位舒適 除左裝修grand之外，就連餐碟都與別不同。其實，我一開始係討論區就係比呢隻碟吸引住，哈哈哈‧海鮮凍盤：翡翠螺－－有沙蝦－－以二百蚊的價錢黎講，都算大隻同新鮮青口－－正常小龍蝦－－怕麻煩冇食 三文魚刺身：非常肥美鮮味，加上厚切，食落好有口感不過，六點半出完呢一盤之後就冇再ｒｅｆｉｌｌ有壽司，不過冇食，怕飽肚，但賣相都ｏｋ。 凍肉：有風乾火腿和沙樂美腸，仲有煙鴨胸 生蠔：大大隻，都幾鮮甜。平時一隻起兩隻止，但為左回本，最後都食左７－８隻 餐湯：忌廉栗米湯，味道同茶餐廳的栗米肉粒飯完全一樣，唯一分別係，呢個餐湯稀ｄ燒牛肉：自助餐點可以冇燒牛肉，不過，呢間野的燒牛肉對我黎講太生，一落刀ｄ血水就係咁流＝ ＝"更大的問題係......韌到，切左好耐先切得開。 燒春雞：燒春雞個
在旺角區，二百蚊的放題選擇都幾多，自助晚餐真係第一次見。應該咁講，二百蚊的自助晚餐係香港都係少見。
因為早到，大約六點半，唔洗等位就可以ｗａｌｋ-ｉｎ。七點之後，人就開始多，食完之後見到出面都有人等位。
入到餐廳，用餐環境高雅，坐位舒適
除左裝修grand之外，就連餐碟都與別不同。其實，我一開始係討論區就係比呢隻碟吸引住，哈哈哈‧
海鮮凍盤：翡翠螺－－有沙
蝦－－以二百蚊的價錢黎講，都算大隻同新鮮
青口－－正常
小龍蝦－－怕麻煩冇食
三文魚刺身：非常肥美鮮味，加上厚切，食落好有口感不過，六點半出完呢一盤之後就冇再ｒｅｆｉｌｌ
有壽司，不過冇食，怕飽肚，但賣相都ｏｋ。
凍肉：有風乾火腿和沙樂美腸，仲有煙鴨胸
生蠔：大大隻，都幾鮮甜。平時一隻起兩隻止，但為左回本，最後都食左７－８隻 餐湯：忌廉栗米湯，味道同茶餐廳的栗米肉粒飯完全一樣，唯一分別係，呢個餐湯稀ｄ
燒牛肉：自助餐點可以冇燒牛肉，不過，呢間野的燒牛肉對我黎講太生，一落刀ｄ血水就係咁流＝ ＝"更大的問題係......韌到，切左好耐先切得開。
燒春雞：燒春雞個source幾好味，雞肉唔會過老豬手：燒春雞旁邊的豬手都唔錯
雪芳蛋糕：呢個蛋糕賣相一流，味道方面...咪雪芳蛋糕囉！仲好飽肚tim= =！
第一個甜品就中伏，對甜品零期望。。。白色甜品：我真係食唔出佢係咩，又唔放名牌，一入口就一陣泥膠味。
椰子奶凍：好怪的甜品，奶凍ok，但上面棕色的醬，發出一陣陣極甜的椰子糖味。總之，奇怪非常＝ ＝
草莓慕絲：在場有十款甜品左右，呢個慕絲係唯一好吃的，草莓味的酸甜味，令人感覺清新。
水果：唔甜，可以講得上完全冇味。檸檬批：都算ok，起馬冇「泥膠」咁難以入口，不過，都幾酸，但一出就比人清碟。
總結：
環境好，服務到位，價錢吸引，可惜......
食物選擇唔多，門外介紹寫有５０種，但場內好似冇咁多。想食的食物就更少，加上是日冇長腳蟹。
以價錢黎睇，冷盤和熱葷的質素都合理，直頭講得上抵食，但甜品方面，真係一失敗中的失敗！
用餐有時間限制，為1.5小時，但因為食物選擇少，所以好夠用。
用餐時鄰桌的兩位女士，對食物的選擇和質素都抱有很多意見，令人會心微笑。
ｐｓ.絕大部份食物都冇名牌，大大增加中伏機會！！
Post
