一起食堂 (威利廣場)

Open Now

Now Closed

環境乾淨俐落，當日星期五6點45左右去到 ，入座率7成左右 街坊生意feel。最吸引係可以食到主食 小食 甜品一次滿足三個願望，同埋全部分量都好足CP值好高，不過質素就普通。 花雕麻油雞麵：花雕酒係另上 可以自己控制分量，係酒味友善吖。未落酒前湯底淡淡麻油香，冇乜藥材味。雞肉係雞扒整嘅雞卷 帶皮 好軟滑，食得出係浸過花雕麻油汁，不過係淡淡地 個味吾算出。個麵切合反日台主題用左烏冬，係較扁身都夠彈牙同滑。整體係食落偏舒服 淡味嘅一碗麵。 魯肉飯：分量好多 配菜都俾得好大方，魯肉偏大舊 肥肉部份都有一半左右，但食落吾會感覺好油膩，汁醬都吾會太鹹。但個飯就中間偏軟，加埋d汁會感覺有小小太濕。 拼盤：雞翅同魯蛋都正常質素。豬耳值得一試，食落係出而軟糯中間脆骨，同平時食嘅好吾同。整體所以嘢嘅味都吾會鹹。 炸蕃薯條：外殼炸得超脆，入面好軟，好香口，不過蕃薯吾夠甜 扣左小小分 鹽酥雞：合格但吾算特別，味道都較普通，都冇九層塔係入面。芋圓仙草凍：好大碗，仙草都夠彈滑，紅豆蓉 吾會太甜，但係三色芋圓就好粗糙 食落好多一粒粒，口感都偏硬。