鴻師傅 (Closed)

有日平日放假要去何文田，去到旺角準備轉小巴，經過B出口見到T.O.P.門口有個廣告牌寫住有早餐食，$26起，見時間尚早就即管試一試。搭自動電梯落一層就見到有個food court，可能朝早無咩人，得2間舖頭開，咁就試下鴻師傅。叫左個經典既茶餐廳早餐，沙嗲牛肉麵，午餐肉炒蛋多士，同埋一杯熱奶茶。今時今日$30食到呢個餐都算抵食，牛肉好多反而麵唔多，整體味道唔錯，性價比高，真係good morning！