The Luxe Seafood Bar & Resto (Closed)

食自助餐，通常最期待海鮮生蠔，The LUXE 算有驚喜。最受歡迎既生蠔入口肥美，海鮮有青口、翡翠螺同蝦，都幾鮮味。冷盤位置仲有沙津、刺身同壽司，加上各式各樣熟食同甜品，應該都有四十款以上食物選擇。個人推介燒牛肉同喇沙，燒牛肉有專責師傳即切，肉質夠嫩，味道濃郁。喇沙就即煮，辣辣地幾惹味。甜品款式就有麵包布丁、西米布丁、豆腐花，同埋幾款精緻甜品，味道還可以，畢竟小弟唔係甜品控。總結款式唔算超多，但勝在精緻美味，以$200多仲有蠔食算超值!