華記士多 (Closed)

之前睇過岩channel肥仔介紹依間係西灣河既華記士多，係食依個平價咖哩蛋包飯，同男朋友講，原來佢識個老闆既，咁就搵日黎試下。先講佢格局，係一間鋪仔連埋隔離條巷咁，大家唔好expect有幾好，坦白講環境同衛生呢，唔係個個接受到。佢只有3個option, 芝士同唔芝士既咖哩蛋包飯同台灣魯肉飯，最欣賞佢涷熱飲都係同價。我叫左個芝士既，份量都幾多，中意佢咖哩汁超多！不過老實說芝士並唔多甚至唔係話好覺😅但味道係絕對對得住價錢既！佢係用日式咖哩黎做汁，所以會有甜味。如果唔嫌棄個環境既話，絕對係值得一試既。