Cow Bean (康怡廣場) (Closed)

行完超級市場攰攰地，同朋友就諗住坐低食野醫肚，最後揀左去鋸扒。我地揀左紐西蘭肉眼牛扒，上枱個陣時五成熟左右，想熟啲就要靠鐵板既熱力整熱佢。肉眼扒既肉質都算嫩同埋無咩筋，容易咬開。加錢可以升級套餐，有餐湯、芝士薯條等等的選擇。煙三文魚沙律不錯，沙津菜夠新鮮。天使麵份量少，而且烚得太耐令口感變得軟爛，不太好吃，早知叫飯好過。醬油蛋味道不過不失，用來撈飯食會比較好。薯條炸起好香脆，是比較幼身的那一種，配上濃味的芝士醬一齊食好夾。餐廳有位侍應服務有禮，好熱心同有耐性向我地介紹菜色，想不到快餐廳都有酒店水準的服務，值得一贊。