劉森記麵家 (褔榮街)

Open Now

Now Closed

假日中午同友人過來食個麵。星期日中午時間門口都有小人龍。大概六人吧。不過人流都快，等大概十五分鐘就入座。麵店都係圓枱，一枱可以坐到六人。唔係好多位，但可以接受😊我地都決定點多人推介蝦子雲呑撈麵。等緊時食枱面既酸蘿蔔，個味道幾開胃架。個麵勁多蝦子，唔會咸。麵質感剛好，不硬不過軟。而且冇梘水味🤤底仲有條大菜心架。雲吞小小粒，入面有蝦爽爽脆。雖然唔係大蝦多肉係幾好食。個撈湯，有小小梘水味，係偏甜仲有韮黃，個人感覺幾夾味。價錢就合理啦，$44 一碗。咁又真係冇得同平價粉麵比既🤗平實正餐，可以再食。