博多拉麵別天神 (Closed)

有日同朋友喺旺角睇完玩具，突然間好想食拉麵，又諗起別天神有日本幪面超人嘅主題，所以就去左食😂今次我就嗌左個蝦味噌套餐，本身有配埋一個龍蝦仔沙律，不過我太餓就先食為快冇影到😂講下個小龍蝦沙律先，小龍蝦肉質都爽口，加埋佢嘅調味醬甜甜地，用脆口嘅紫菜包住食好開胃😋拉麵方面，套餐會多一隻溏心蛋，正正常常啦，蛋黃頗香。拉麵同叉燒就一般般啦，食完唔係好覺有咩特別🤕湯底方面，其實只係一個豬骨味噌湯底加左好多櫻花蝦，蝦味不太突出，但豬骨湯底係幾滑幾香嘅🤣枱面有辣芽菜可以加，都吊到下湯嘅鮮味！評分：7/10，食之前都聽過下朋友們嘅評價，不至於難入口但冇乜特別，整過都算不過不失，最令我驚喜係個芽菜👍🏽