Video
Read full review
2020-10-13
805 views
喺instagram見到唔少朋友推介呢一間位於長沙灣嘅扒房餐廳，話食品有質素而且好抵食，最近仲做緊優惠𠻹！就專登出九龍捉埋食肉獸老公嚟試吓。先講食品質素，後面再講價錢。我地點咗2份餐加一份小食，都非常有水準：首推芝士牛肉漢堡份量好多，細食啲嘅女仕真係未必食得哂。麵包唔係傳統漢堡包，而係好香口嘅洋蔥包，麵包仲灑上炸香咗嘅洋蔥碎，勁惹味。中間的漢堡肉扒勁多汁，以Affco 牛柳、西冷和肉眼攪碎而成，質地好嫩，一啲都唔鞋；肥瘦恰到好處，唔會太多肥膏導致無咬口，亦唔會太瘦令塊肉太乾。講真，我覺得比美國過江龍嘅Shxxe Shxxx更好食，如果睇埋價錢就真係贏9條街(價錢下面講）吉列豬扒亦非常出色，切開中間豬肉嘅紋理仍然清晰可見，證明呢到嘅吉列豬扒唔係用雪到梅晒嘅劣質冰鮮豬。食落口果然同平時食嘅吉豬唔同，睇返餐牌原來豬柳係用上宮崎快樂豬，爽滑有嚼勁有肉香味。外層炸得好香脆，炸粉唔會太多厚，用扒房傳統鐵板上檯，侍應姨姨會係你面前淋上醬汁，日式豬扒同港式醬汁配埋一齊食又幾特別。值得一提係我揀咗蒜蓉汁，吉豬表面真係有一大pat蒜蓉，令成個醬汁鮮味加強，正！牛扒有4個級別，我地揀咗中間嗰級嘅牛柳7成熟，
喺instagram見到唔少朋友推介呢一間位於長沙灣嘅扒房餐廳，話食品有質素而且好抵食，最近仲做緊優惠𠻹！就專登出九龍捉埋食肉獸老公嚟試吓。
先講食品質素，後面再講價錢。我地點咗2份餐加一份小食，都非常有水準：
首推芝士牛肉漢堡
芝士牛肉漢堡包
15 views
0 likes
0 comments
吉列豬扒
吉列豬扒配蒜蓉汁
14 views
0 likes
0 comments
吉列豬扒
7 views
0 likes
0 comments
牛扒有4個級別，
紐西蘭Affco牛扒
7 views
0 likes
0 comments
8 views
0 likes
0 comments
吉列豬扒或牛扒都可以加$18跟餐，
餐有湯、熱飲同麵包。我地只係加咗一份，麵包係傳統扒房餐包，都幾軟熟，湯就略嫌唔夠熱。一睇餐牌，嘩！有冇搞錯平到咁？😨
鐵板什扒 $39😱
芝士牛肉漢堡 $24😱😱
吉列豬扒 $20
真係平得太過份了吧！
原來而家做緊半價優惠‼️侍應姐姐話我知優惠去到31/10咋！要食就趁快啦～
餐廳位置好方便，出地鐵站行5分鐘就搵到，留意返餐廳係一樓，樓下門牌都好顯眼易搵。
店內環境寬敞大部份係卡位，
裝修同舊式扒房餐廳近似，好有懷舊feel。想啖啖肉又想大件夾抵食，呢到係大推介！
Post
