石之牛石板日式料理 (Closed)

今日同我爸爸媽媽約食飯，因為工作關係所以都係喺返爸爸媽媽屋企附近搵餐廳食，我媽媽就推介俾我話去食石之牛石板日式料理，講到食牛我當然無問題啦😋我地6點鬆啲就到咗，好彩無咩人，呢間石之牛顧名思義係專係食牛，職員都好用心介紹俾我地，同我地講沙律吧、湯飯自助任裝，我同屋企人分別嗌咗：1） 牛小排套餐 ⭐️⭐️⭐️⭐️⭐️/⭐️⭐️⭐️⭐️⭐️2） 牛板腱套餐 ⭐️⭐️⭐️⭐️⭐️/⭐️⭐️⭐️⭐️⭐️首先，如果而佢呢個價位真係暫時搵唔到一間可以同石之牛去比拼，因為佢哋嘅性價比實在太高，牛小排套餐$188，目測都有200g，而牛板腱套餐更加誇張，只係$62，成隻手掌咁大，而最重要嘅係，牛嘅質素冇話因為價錢而降低，牛味好重，牛香亦都好出色，而佢餐廳仲有唔同嘅醬汁同蒜蓉去配食牛，但我覺得最能夠食出牛嘅味道就係只落鹽同黑椒。所以不論我叫嘅牛小排或者係爸爸媽媽叫嘅牛板腱都讚不絕口，而就算唔夠喉，都可以再另加每100g咁樣加牛，非常之親民。而食牛前整一碗沙律菜，更加清新解油膩感。唯一美中不足嘅係我個石板就唔算話套熱，上到枱嘅時候都唔算太大嘅吱吱聲。🥹最後埋單仲要唔使加一，真係十分之有性價比，真係一分錢二分貨。我媽媽都話好擔心佢地賣到咁平會賺唔到