豆豆麵包西餅

Open Now

Now Closed

聽朋友講葵芳有間街坊平民叫豆豆麵包餅店既蛋撻又平又好味咁話，今日咁岩經過呢頭，所以就去睇一睇，餅店既格局同裝修都比較傳統，睇得出有歷史既痕跡。一入店面就見到我既目標，蛋撻，單買4蚊一個，半打以上每個3蚊，我就買左半打返屋企做下午茶啦。返到屋企一打開，香味撲鼻，拎上手重係熱，第一啖既感覺係蛋味好濃，蛋漿比較甜，可惜既係撻皮有點鬆散軟身唔夠堅實，即使牛油味夠香都扣左唔少分數😣，以做街坊生意黎講，我覺得都已經唔錯，特別係為當區老人家同低收入家庭既提供多一個選擇，值得支持丫。