金樂軒雞煲魚鍋

Open Now

Now Closed

金樂軒位處北角，喺港島區嘅中央地點方便，東九龍過去搭地鐵嘅話快過打針～作為一間小店，老闆同埋員工都非常之殷勤，會主動同食客傾偈講吓笑，有種家嘅感覺☺️店舖最出名雞煲，但其他海鮮小菜亦都五花八門不遑多讓，最後小編點選左以下食物：1️⃣胡椒豬肚雞煲⭐️⭐️⭐️⭐️雞煲湯底好香胡椒味，淨係飲湯都停唔到口，超級好味！雞肉又滑又嫩，配埋彈牙嘅豬肚，嗌個細煲都已經足夠兩人份量慢慢食～本身鍋底已經好夠味，所以連豉油都唔使點，原汁原味😋2️⃣麻辣小龍蝦⭐️⭐️⭐️⭐️食小龍蝦最緊要就係Lam埋啲殼，麻辣得好過癮！啲蝦肉都好鮮味，炒功一流夠晒鑊氣，用嚟送酒又得，食到辣辣地嗌個汽水gur一gur又得，可以話任你點樣演繹都係冇得頂！3️⃣土豆絲及竹蔗茅跟水⭐️⭐️⭐️土豆絲本身已經好香薯味，小編創意一試，浸埋落去啲湯度吸收精華，又係另一個風味~竹蔗茅跟水好清甜，落嘅糖唔多所以唔會好肥或者越飲越口渴，靠蔗嘅天然清香反而令飲品更加突出優秀😋總括而言，餐廳好多選擇又好味，價錢平民服務又好，大力推介👏🏼