薩莉亞意式餐廳 (大元街市) (Closed)

是日特意去大元村食齋, 點知齋舖休息, 行到街巿盡頭見到呢間意大利野, 價錢非常便宜, 以醫飽肚既心態試一試, 唔洗等位, 地方算是整潔, 2個人坐4人卡位, 都坐得几舒服, 服務員招呼也算殷勤... 餐牌上食物價錢大多是 $10 - $40, 有部份扒餐都係$20几蚊, 咁抵既價錢令人想乜都試下.. 我地就order 左以下几款推介食品... 周打海鮮湯 ($9)份量很少, 但以價錢而論, 是可以接受的, 忌廉味較重, 材料也算豐富.蒜蓉法包 ($8)最鍾意既蒜蓉包, 就係全塊包都被蒜蓉覆蓋住, 好香濃! 水牛芝士PIZZA ($29)整個PIZZA 味道很淡, 就好似食緊芝士包咁, 雖然係推介, 但唔好食... 肉醬多利亞 ($25)其實係一個芝士焗肉醬飯, 細細個味道香濃, 是意大利飯, 也尚可口.2個人埋單只係$80, 非常抵食!