時代冰室 (One Madison) (Closed)

朋友搬左去長沙灣，上佢屋企參觀坐左陣就落去食飯，本身話過深水埗多選擇，但見佢樓下近近地有間「時代冰室」，望入去幾大幾深間舖，又多卡位，又有電視，咁就不如試下呢間餐牌好多選擇，真係多到唔識揀，台式、西式、中式、東南亞都有目測隔離枱d炒粉麵都好夠鑊氣，而且份量好大碟我地最後揀左兩個扒餐＋個「富貴生財」鐵板好體貼有紙圍邊，淋汁時唔會彈到衫，非常好扒餐可配飯、意粉、薯條、沙律！意份都幾大碗，塞得很實，撩開都好多，係蕃茄意粉，幾夠味沙律就加左芝麻醬，無得輸富貴生財，即係花膠＋花菇＋生菜花膠同菇各有4-6件，花菇夠厚夠菇味生菜都好夠味時代。重量級什扒$88好抵食，因為真係好大份，煙肉、腸、蛋、大大塊雞扒及豬扒，肉質嫩滑無雪味海陸空三拼$106煙肉、半隻乳鴿、一隻芝士大蝦、因為牛仔骨無貨改左半塊西冷一樣非常豐富半塊西冷都好大塊，呢道只係1/3七成熟剛好，肉質唔鞋唔會乾半隻乳鴿大大隻大蝦食物唔錯，坐得寬敞舒服，食飽唔洗滾水淥腳比人趕走，唔錯