大餃子 (Closed)

睇完孤獨的美食家（「孤独のグルメ」2020大晦日スペシャル）決定食返餐餃子，見到呢間標榜即包唔過夜，一於試試有幾好味😻。🥟A餐 — 8隻餃子 + 酸辣湯 $55 + $4（牛肉大蔥餃子每隻+$1）餃子款式可以任配。今次食咗餐廳推介嘅北京餃子（韮菜豬肉）同埋較少見嘅牛肉大蔥餃子 。兩款餃子都係皮薄又多餡。韮菜豬肉餃韮菜味好濃，一啲豬羶味都冇。個人更鐘意牛肉大蔥餃子。大蔥保持到爽脆口感，食落微甜唔辣。牛肉以醬油簡單調味，食落多汁並且鮮味十足。酸辣湯超足料，配料包括蘿蔔、木耳、筍絲、瘦肉、豬肚、豬紅、豆腐。不論口感定味道都好豐富。整體辣度低，反而酸味較重。暖胃得嚟唔刺激，啱晒鐘意食辣又怕辣嘅我。🐷蒜泥白肉 $45五花腩被薄薄嘅青瓜片捲住。五花腩口感帶彈性，青瓜片爽脆，口感配搭得幾好。紅噹噹嘅醬汁亦係辣度偏低，但帶有微微嘅麻香。蒜蓉落得好重手，所以都會有蒜辣味。