盛八日式火鍋放題店 (Closed)

同事介紹來一個快食又平既lunch放題。 由於時間關係，我地先來叫左個南瓜湯底。好濃郁既南瓜香，都算新鮮，薄切南瓜片仲可以任拎再加入湯底內，充滿南瓜味，感覺都健康一點。 重點介紹一下呢個熟食雞翼先，外皮帶點脆脆，好入味既肉，好香口惹味， 再配佢地既甜甜酸酸辣辣既醬汁超正，超有層次感。 58蚊任食來算都算多選擇，都算新鮮，蔬菜種類較多，另外丸類都有好幾種類選擇， 口感都算彈牙，有爆醬款，味道都不錯。 最後雖然無咩時間，但係點都要食埋個雪糕先，可以自己任配不同糖果配料，乳酪原味雪糕再配不同配料，又有口感又好味，好清爽。 呢度不好處就係時間短，會食得好急，得一小時食，就算無人等梗，未食完桌上既嘢都會趕你走。