Video
Read full review
2020-01-26
1993 views
年三十人人都放早，所以就決定約埋好友食番個收爐飯，去開燈籠街知道好多野食，就揀左間韓國菜試下地點：係正燈籠街中間，龍門冰室斜對面幢商業大廈，果幢樓食肆林立。環境：入到去環境嘅感覺幾高級，樓面面積都好大好長；樓底高；由於餐廳卡位隔離就有無敵大玻璃窗，環境相當光鮮；有卡位有大枱有房，無論多人聚會及二人小聚都相當合適。食物質素：餐廳有午餐set供應，價錢有貴有平，由$79-$198不等。款式總類多，有炒飯粉絲麵乜都有，一半辣一半唔辣；辣泡菜牛肉炒飯（$79）對於唔食辣嘅人（即係本人）黎講，泡菜可能係一個挑戰，冒住辣到噴火嘅風險叫左呢個炒飯，最後我竟然唔係輸比個飯，而係佢個 胡椒味重嘅湯首先講下配菜，泡菜唔算好辣，唔算太出色。反而果個薯仔就超級出色！薯仔加左蜜糖，甜甜地十分好食，最後拎埋啲蜜糖去撈飯好正主菜方面，飯糧算幾多，入面都好足料，唔係果啲得一兩塊牛碎同埋泡菜仔就算果隻，辣味調較合適，適合一般唔係好食得辣嘅人豬肉炒泡菜（$99）對於唔食辣嘅朋友，我勸大家真係唔好試平時食開譚仔少辣嘅人，佢都食到出晒汗同埋比平時食慢左好多佢啲豬肉份量充足，而且豬肉醃得好入味，泡菜嘅味道入晒豬肉入面，相當惹味
地點：係正燈籠街中間，龍門冰室斜對面幢商業大廈，果幢樓食肆林立。
環境：入到去環境嘅感覺幾高級，樓面面積都好大好長；樓底高；由於餐廳卡位隔離就有無敵大玻璃窗，環境相當光鮮；有卡位有大枱有房，無論多人聚會及二人小聚都相當合適。
食物質素：餐廳有午餐set供應，價錢有貴有平，由$79-$198不等。款式總類多，有炒飯粉絲麵乜都有，一半辣一半唔辣；
辣泡菜牛肉炒飯（$79）
對於唔食辣嘅人（即係本人）黎講，泡菜可能係一個挑戰，冒住辣到噴火嘅風險叫左呢個炒飯，最後我竟然唔係輸比個飯，而係佢個 胡椒味重嘅湯
首先講下配菜，泡菜唔算好辣，唔算太出色。反而果個薯仔就超級出色！薯仔加左蜜糖，甜甜地十分好食，最後拎埋啲蜜糖去撈飯好正
主菜方面，飯糧算幾多，入面都好足料，唔係果啲得一兩塊牛碎同埋泡菜仔就算果隻，辣味調較合適，適合一般唔係好食得辣嘅人
豬肉炒泡菜（$99）
對於唔食辣嘅朋友，我勸大家真係唔好試平時食開譚仔少辣嘅人，佢都食到出晒汗同埋比平時食慢左好多佢啲豬肉份量充足，而且豬肉醃得好入味，泡菜嘅味道入晒豬肉入面，相當惹味，豆腐相當比較淡，可以中和下泡菜嘅辣味！
最後套餐會配餐飲，凍飲唔洗加錢！另外每檯都有無限量供應嘅玄米茶。
服務：果日比較爆場，所以上菜時間較耐，不過待應都好熱心同主動咁幫我地追單，所以就唔怪佢啦！待應大部分都唔係本地人，但操純正廣東話，溝通無難度。價錢：以銅鑼灣中高等嘅價錢，呢個價錢可算合理，有貴有平，任君選擇。另外提提大家，餐廳是另收加一的。
Post
