第一烤肉 (Closed)

PJ雖然已貴為大叔大嬸grade，但其實我地都幾潮，仲識同青少年一齊打online槍game，又識同班仔Raid Call即時傾戰略。其中一個仔由台灣訪港，於是身為長輩的PJ決定一盡地主之誼，約了班仔出來吃飯。仔們話想食爐邊蛋，又想行吓廟街，於是便決定試吓呢間新開嘅烤肉店。MK果然是年輕人的地方，對我呢種auntie來說，實在是人太多及迫了點。點了這裡的兩個set，5個人分都夠食，份量十足，可以話係大件夾抵食。爐邊蛋裡面有放cheese，唔知係唔係份量少所以達唔到拉cheese的效果。啲肉醃到好重味，我唔啱食，班仔就食不停。阿P都覺得惹味，啖啖肉lor。特別要讚個泡菜飯，辣味十足，同啲肉一切齊食好好味喎。台灣來的朋友嗜辣，也讚這飯好吃。另外抵讚的有海鮮葱餅，脆口，好香蛋味。因為隻online game而同時下的年輕人多了溝通，發覺他們都十分精靈醒目，只是欠缺一點點自信心及對世界的好奇心吧。要加油啊！