幸福班戟 (K11 Musea) (Closed)

今日約咗朋友晚餐，特登留肚去試下呢間出名嘅甜品店。一入到店舖已經覺得裝修好企理好靚。我地經店員推介試咗朱古力香蕉班㦸同時令鮮果班戟。朱古力醬香得嚟唔會太甜，配埋忌廉同軟熟嘅香蕉真係絕配。時令鮮果種類亦都好豐富，有士多啤梨、香蕉、奇異果等等。配埋有豐富蛋香嘅班戟實在係大滿足。餐廳好體貼地有免費嘅清水提供，不過我同朋友都加咗一杯凍紅茶試下。食完甜品後飲返啖茶又確實幾refresh嘅。嘢食好味之餘，餐廳仲使用環保嘅粟米餐具，值得支持。希望快啲開多啲分店啦！