Video
Read full review
2020-04-11
66 views
男友話想靜靜地同我食餐好嘅，心諗：而家有邊度唔靜架🙈！原來，佢係想去個清淨啲嘅環境，就係大坑！因為之前黎過大坑食飯，好似小區生活咁，好鍾意個氣氛，但今次就食fine dining。呢間餐廳空間比較細，但好彩佢可以坐室外 氣氛，估唔到氣氛又相當好喎，餐廳外位置屬於一條巷仔，人流唔會太多，食飯唔會覺得被滋擾，食得好放鬆。侍應服務亦跟足，唔會因為位置響小區而質素降級。講返食物，完全有驚喜，因為呢度係小區，估唔到質素咁好，先來個頭盤日本刺身帶子配黑魚子，帶子清甜鮮味，配沙律真係好開胃，而且底部仲有酸酸甜甜嘅紅加侖子啫喱。再來另一個就係蟹肉芒果沙律，個名就好日式，但原來係用雀巢脆脆裝住，設計有心思，蟹肉味濃，芒果較甜，配脆脆一齊食，多重口感享受，味道亦好夾。分開食又得，一齊食又得。主菜我就揀左呢個燒紐西蘭羊架配芥末籽燒汁，聞落好香羊味，食落又唔臊，肉質又唔韌，岩哂我呢個箍牙妹食，佢嘅伴碟都好好食，薯仔同配菜都用心製作，同樣好好食。男友就食美國頂級西冷，份量好似偏少，對佢黎講啦😆😂，諗返好似無問我地要幾成熟，睇落都幾熟下，起碼無血水，但唔韌，仲好腍下，我都食到😆，配菜就同羊架一樣。Fine din
呢間餐廳空間比較細，但好彩佢可以坐室外 氣氛，估唔到氣氛又相當好喎，餐廳外位置屬於一條巷仔，人流唔會太多，食飯唔會覺得被滋擾，食得好放鬆。侍應服務亦跟足，唔會因為位置響小區而質素降級。
講返食物，完全有驚喜，因為呢度係小區，估唔到質素咁好，先來個頭盤日本刺身帶子配黑魚子，帶子清甜鮮味，配沙律真係好開胃，而且底部仲有酸酸甜甜嘅紅加侖子啫喱。
再來另一個就係蟹肉芒果沙律，個名就好日式，但原來係用雀巢脆脆裝住，設計有心思，蟹肉味濃，芒果較甜，配脆脆一齊食，多重口感享受，味道亦好夾。分開食又得，一齊食又得。
主菜我就揀左呢個燒紐西蘭羊架配芥末籽燒汁，聞落好香羊味，食落又唔臊，肉質又唔韌，岩哂我呢個箍牙妹食，佢嘅伴碟都好好食，薯仔同配菜都用心製作，同樣好好食。
男友就食美國頂級西冷，份量好似偏少，對佢黎講啦😆😂，諗返好似無問我地要幾成熟，睇落都幾熟下，起碼無血水，但唔韌，仲好腍下，我都食到😆，配菜就同羊架一樣。
Fine dining點可以唔飲返少少酒？簡簡單單都點左個西班牙白酒試下🤭。
綜觀食物味道，設計，服務都好好，期待男友 帶我去下一次fine dining！😂
Post
