糖水佬甜品

Open Now

Now Closed

一路由太子行到深水埗去食碗糖水，其間係為左吹水先越行越遠，哈哈。深水埗呢幾條街有n間糖水舖，見呢度有位就食佢啦，店內全部滿座，坐門口位咋，天氣涼涼地ok啦，有街邊風味。芝麻糊湯丸（$29）朋友點左芝麻糊，夠熱不過甜，芝麻好香又夠杰身，都幾好味喎，加湯丸三粒要九蚊，其實都真係唔平，哈哈，湯丸好味吖嘛，不過得芝麻湯丸揀，芝麻糊加芝麻湯丸真係好芝麻呀腰果糊湯丸（$33）自己點左腰果糊，心大心細要合桃糊好定腰果糊好，最後揀左後者，少見啲呀。腰果糊都唔太甜，但無乜腰果味？比較上黎芝麻糊好味啲。芝麻湯丸爆餡，煙煙韌韌嘅皮，湯丸好味主要係坐下吹下水啫，糖水係配角黎。