Video
Read full review
2024-10-29
388 views
幾十蚊就可以燒海鮮？…月尾，想慳錢，又想燒肉，我哋一行三人嚟到將軍澳Popcorn嘅”安平燒肉”食lunch。當然最好嘅係本身嘅放題set，但如果手緊啲，其實幾十蚊都有選擇。呢個lunch set只係$85起，可以任選Menu上嘅肉，甚至海鮮。咁咪即係散叫？又唔係喎，因為佢同時包咗出邊任攞嘅配料、飲品、拌飯同甜品等，所以可以話係攻守兼備，想暢快又唔想食太多嘅選擇。不過要留意用膳時間只係60分鐘。今次我哋揀咗以下嘅嘢食:美國SRF極黑牛 ($38)澳洲M5和牛($48)生蠔($32)爽彈虎蝦($38)烤帆立貝($38)安平牛舌芯($48)當中我會覺得兩種牛肉(美國SRF，澳洲M5)、爽彈虎蝦嘅質素比較高。牛肉要牛味、油香都不缺，而且幾耐燒，就算熟咗都唔會好韌。虎蝦就非常彈牙，點埋豉油仲好食過海鮮檔嘅白灼蝦。其他配料例如菠蘿亦好甜，好容易燒。其他任拎嘅配料方面，比較特別嘅係芝士鵪鶉蛋、甜不辣同士林小香腸等等。另外有樣一定要食嘅係”安平蝦拌飯”，用上櫻花蝦、滷水汁、海苔同蔥做出嚟嘅拌飯，其實絕對唔差過出邊嘅伴飯水平，而且可以自己調配比例。嘢飲亦都有好多選擇，特別百香果綠茶同藍莓果茶，都係唔甜
月尾，想慳錢，又想燒肉，我哋一行三人嚟到將軍澳Popcorn嘅”安平燒肉”食lunch。當然最好嘅係本身嘅放題set，但如果手緊啲，其實幾十蚊都有選擇。呢個lunch set只係$85起，可以任選Menu上嘅肉，甚至海鮮。
咁咪即係散叫？又唔係喎，因為佢同時包咗出邊任攞嘅配料、飲品、拌飯同甜品等，所以可以話係攻守兼備，想暢快又唔想食太多嘅選擇。不過要留意用膳時間只係60分鐘。今次我哋揀咗以下嘅嘢食:
美國SRF極黑牛 ($38)
澳洲M5和牛($48)
生蠔($32)
爽彈虎蝦($38)
烤帆立貝($38)
安平牛舌芯($48)
當中我會覺得兩種牛肉(美國SRF，澳洲M5)、爽彈虎蝦嘅質素比較高。牛肉要牛味、油香都不缺，而且幾耐燒，就算熟咗都唔會好韌。虎蝦就非常彈牙，點埋豉油仲好食過海鮮檔嘅白灼蝦。其他配料例如菠蘿亦好甜，好容易燒。
其他任拎嘅配料方面，比較特別嘅係芝士鵪鶉蛋、甜不辣同士林小香腸等等。另外有樣一定要食嘅係”安平蝦拌飯”，用上櫻花蝦、滷水汁、海苔同蔥做出嚟嘅拌飯，其實絕對唔差過出邊嘅伴飯水平，而且可以自己調配比例。
嘢飲亦都有好多選擇，特別百香果綠茶同藍莓果茶，都係唔甜又解膩解渴嘅選擇。
我欣賞佢有啲平嘅方法可以唔使食得太多，又同時享受到任食嘅樂趣。最重要係，夠平嘛。
Post
