福岡漢堡扒 (厚福街) (Closed)

呢間福岡漢堡扒有幾間分店，我今日就去厚福街呢間。佢個店名似係日本菜，但入到去就好多韓文字，一問之下，原來係一個韓國人老闆去左日本帶左呢個食法番黎。佢每張枱都好特別咁樣有啲銀色管狀物體，原來係一啲小抽油煙管。今日叫左個二人套餐，每人有一份和牛漢堡扒，係熱辣辣既鐵板上，旁邊仲要有舊好熱既石頭，俾你畢啲免治牛肉落去煎，每邊煎3-5秒就可以食，成個體驗非常有趣。 （二人餐 version 4, $366)🔸️菠蘿煙肉和牛漢堡扒（8.2／10）煙肉煎完焦焦地幾好味，配合埋菠蘿幾配合。日本既免治和牛都好滑好嫩，煎完都好juicy。 🔸️芝士蛋蒜和牛漢堡扒（8.2／10）除左個和牛漢堡扒，我都好欣賞佢既芝士蛋，半流士既鐵板蛋再加流心芝士，好邪惡。 🔸️芝士泡豚丼（8／10）呢個套餐仲有個芝士泡菜豚肉丼，其實成個餐既份量夠三個人食。呢個泡豚丼表現不過不失，芝士都幾拉絲。 🥤蜂蜜生薑茶（+$13，8.5／10）十分薑，暖胃！ 🥤巨蜂提子梳打（+$13，8.5／10）外型討好，都十分大杯。