越南站餐廳 (Closed)

上個星期四去左食，估唔到七點去都爆晒場。環境唔錯，個火車站鐘樓幾有趣。叫左特別河、咖哩蟹、大頭蝦，重有鹵肉飯。平均黎講，唔錯喎，特別河既湯夠濃，同埋河粉好薄，蟹好入味，咖哩唔辣但係好香，大頭蝦就差少少，無乜膏，鹵肉飯就好鬼中菜Feel，但係個汁唔錯，用黎點蒜蓉包就最好。唔知係唔係大廚關係﹖呢間既口味都偏甜。個香檳啤酒都幾特別，好似無係其他地方見過。不過座位勁逼，唔可以慢慢食。