Video
Read full review
2017-07-13
843 views
呢間嘢真係差到令我踩上來寫篇差評！=入店時間12點八個字左右，小店非常擠逼。兩位呀唔該！哦，來呢邊啦——安排佐兩個勁窄既位，背靠冰箱，印象分已經大減。凍可樂呀唔該！哦，可樂賣曬wor。凍奶茶少甜呀唔該！哦，我地冇呢D嘢wor。咁唔該要凈水餃，雞絲粉皮，蔥爆牛肉la！終於有得賣la，落單勁快手，點知呢。。。吃苦在後頭水餃，等15分鐘，畢竟人多，尚算可以理解！點知幾粒餃子落肚之後，就係生無可戀的等待！想有嘢食呢，需要你動用廣東話，再普通話，問下靚姐，再問第二個靚姐，再問靚一靚既老闆娘，最終都係答你「趕緊外賣，再等等la！」 終於，10分鐘後，又10分鐘後，眼見隔離檯遲過我地入來既人都食完，終於有個阿叔循例塞碟粉皮過來，可以醫下肚。兩個人對住一碟粉皮，嚼一嘢等3秒，生怕食得太快，未能感受到這艱苦等待過後，來之不易的小幸福。食完兩樣，眼見已經成粒鐘，都冇人理過我地碟蔥爆牛肉，怒而走去cancel&埋單。點知埋單仲有難度！「你等等la！蔥爆牛肉來緊！外賣拎返去食la！」。。。。。。冇爆粗，已經系我極限。其實唔該你地，靚姐靚姨靚叔叔，打工仔食個lunch姐，你整唔切可以講聲，我等到既自然會入去等l
=入店時間12點八個字左右，小店非常擠逼。
兩位呀唔該！哦，來呢邊啦——安排佐兩個勁窄既位，背靠冰箱，印象分已經大減。
凍可樂呀唔該！哦，可樂賣曬wor。
凍奶茶少甜呀唔該！哦，我地冇呢D嘢wor。
咁唔該要凈水餃，雞絲粉皮，蔥爆牛肉la！終於有得賣la，落單勁快手，點知呢。。。吃苦在後頭
水餃，等15分鐘，畢竟人多，尚算可以理解！
點知幾粒餃子落肚之後，就係生無可戀的等待！
想有嘢食呢，需要你動用廣東話，再普通話，問下靚姐，再問第二個靚姐，再問靚一靚既老闆娘，最終都係答你「趕緊外賣，再等等la！」
終於，10分鐘後，又10分鐘後，眼見隔離檯遲過我地入來既人都食完，終於有個阿叔循例塞碟粉皮過來，可以醫下肚。
兩個人對住一碟粉皮，嚼一嘢等3秒，生怕食得太快，未能感受到這艱苦等待過後，來之不易的小幸福。
食完兩樣，眼見已經成粒鐘，都冇人理過我地碟蔥爆牛肉，怒而走去cancel&埋單。點知埋單仲有難度！
「你等等la！蔥爆牛肉來緊！外賣拎返去食la！」
。。。。。。
冇爆粗，已經系我極限。
其實唔該你地，靚姐靚姨靚叔叔，打工仔食個lunch姐，你整唔切可以講聲，我等到既自然會入去等lo！無謂最終搞到好似強買強賣，要人食一肚氣返公司ar ma！
奉勸各位，如果唔系勢要等成粒鐘都要食呢碟蔥爆牛，就唔好入去la，分分鐘，埋單都唔俾呀！
Post