Video
Read full review
2018-06-21
2287 views
生日咁重要既日子，藍妹一早就期待緊男朋友會book咩餐廳同我慶祝😉等左好耐，終於等到正日啦！🎉-一見到門口，再行入去，已經知道呢間野唔係平野😱格局亦好特別。一入去係賣肉，酒同其他調味料既位，當時藍妹唔知葫蘆裡賣咩藥，直至坐低左睇menu-原來佢有個Butcher's Selection，有4步曲❗️1️⃣去肉櫃（counter）揀你想要既肉。🔅Tip: 佢既肉全部冇得切嫁，揀左就係成塊/舊過，唔好諗住可以淨係要一半2️⃣話比佢知你想點煮，例如幾成熟3️⃣揀伴菜 (sides）🔅有薯條，薯蓉，芥蘭同不知名菜（唔識個名）4️⃣揀醬汁🔅紅酒，黑椒，羊奶牛油（google未必靠得住）同蛋黃醬-男朋友話就係睇中佢可以自己揀扒，好特別，所以揀呢到同我慶祝。好啦，既然係咁，一於就自己發辦❗️-佢個肉櫃都好多種肉可以揀嫁，一開始見到果陣嚇親藍妹，因為塊塊都好大塊，揀果一刻好怕貴到喊😂但男朋友話一年一次，唔好計錢，咁就豁出去咯記住喔，佢係根據重量去收錢既。-好啦，揀好哂就等上菜。上菜之前，睇下d擺設同飲杯野啦-係咪好想知我地揀左咩呢，即刻開估🎊Marguez, Chipolata, Toulouse原本諗住揀2款腸就算，怕
-
一見到門口，再行入去，已經知道呢間野唔係平野😱格局亦好特別。一入去係賣肉，酒同其他調味料既位，當時藍妹唔知葫蘆裡賣咩藥，直至坐低左睇menu
-
原來佢有個Butcher's Selection，有4步曲❗️
1️⃣去肉櫃（counter）揀你想要既肉。
🔅Tip: 佢既肉全部冇得切嫁，揀左就係成塊/舊過，唔好諗住可以淨係要一半
2️⃣話比佢知你想點煮，例如幾成熟
3️⃣揀伴菜 (sides）
🔅有薯條，薯蓉，芥蘭同不知名菜（唔識個名）
4️⃣揀醬汁
🔅紅酒，黑椒，羊奶牛油（google未必靠得住）同蛋黃醬
-
男朋友話就係睇中佢可以自己揀扒，好特別，所以揀呢到同我慶祝。
好啦，既然係咁，一於就自己發辦❗️
-
佢個肉櫃都好多種肉可以揀嫁，一開始見到果陣嚇親藍妹，因為塊塊都好大塊，揀果一刻好怕貴到喊😂但男朋友話一年一次，唔好計錢，咁就豁出去咯記住喔，佢係根據重量去收錢既。
-
好啦，揀好哂就等上菜。上菜之前，睇下d擺設同飲杯野啦
-
係咪好想知我地揀左咩呢，即刻開估🎊
Marguez, Chipolata, Toulouse
原本諗住揀2款腸就算，怕叫哂3款好多，但應該係溝通問題，個靚仔幫我地要哂3款🤦🏻♀️
好彩唔會好大條，由於我冇影低每款肉/腸既名，所以我冇辦法分開介紹。🙏🏻
佢3款各有特色，有款比較酸，我地兩個都麻麻；有一條好juicy，肉質比較林；最後一條肉質比較實，好香香草味。
可以話各有千秋，滿足我地幾個願望💕
-
Wagyu Ribeye 和牛肉眼 (名字非100%準確）
就咁睇好似唔大塊，其實佢好厚身好重砰嫁
大家都知，好多時去西餐廳，你叫5成，佢比7成你，你叫7成，佢比9成你，所以通常都叫低1,2成。今次我地叫左5成，就睇下佢究竟係龍🐉定蟲🐛
⬇️去圖⬇️
睇下佢既顏色，鮮紅但冇血水流出黎塊肉咁厚身，依然可以煎到全塊肉既熟度平均，今次係真．5成啊
肉質真係相當軟熟，肉味好濃郁，醬汁都可以唔洗點，只需要磨少少鹽粒係表面，已經可以帶出肉既鮮味
-
食第2塊肉之前，介紹一下黑椒汁（左）同紅酒汁（右）。黑椒汁係店員介紹既，應該係自己調味，辣度十足，味道有別一般既黑椒汁
-
豬腰 Pork Loin首先值得一提就係佢兩塊肉上面既沙律菜(?)好好食呢，唔會酸，但又做到開胃，中和肥膩感既效果
豬腰既肉質一定比和牛肉眼實，但唔會韌到食唔到。最鐘意係佢既豬皮煎得好脆，薄薄一層肥膏，配埋有少少騷味既肉去食，perfect
-
手切薯條 Hand Cut Chips
薯條手切之外仲係連皮，炸到金黃色，好香薯條味，但略嫌唔夠脆呢😣
-
埋單冇諗過咁平，咁既質素，食到3種肉類，份量十足，都只係670蚊‼️尤其是塊和牛，都係300蚊咋，真係抵到爛😱如果想試下自己揀扒去食，或者同另一半過一個有情調既晚上，絕對可以黎呢到一試
🔅🔅要注意喔，果到冇人識講中文，全個過程都要用英文對答，要有心理準備😇
Post
