Video
Read full review
2020-09-13
553 views
今日因為約左7點半喺大圍按腳，就搵下附近有咩好食，搵到呢間居酒屋竟然未黎過，所以就book左9點黎食野，老板娘（應該係）人好好，仲特登打電話嚟提醒我，而家食肆十點就要關門，同我confirm係唔係真係九點過嚟食，佢驚我哋唔知道，黎到之後唔夠時間食嘢，so sweet！黎到居酒屋梗係食下啲串燒，我哋本身都有食咗嘢，所以今餐就當係宵夜啦！我哋嗌咗燒雞心、雞腎、雞軟骨、鴨舌同埋牛小排，真係款款都好好食，店員燒嘅火候啱啱好，食落甘香酥脆！呢款日本甜薯天婦羅都係好好食！佢炸到好脆，而且甜薯本身食落都好粉同埋好鮮甜。 最後，見到之前啲食評都讚呢度嘅刺身好新鮮，所以就叫咗個最愛嘅油甘魚壽司試下，油甘魚食落雖然比較瘦啲，但係都真係幾新鮮，唔似喺爭X食到嗰啲咁，好多時有陣唔新鮮嘅腥味。食緊嗰陣落緊好大雨，仲係有黃雨警告信號，隔離有一台走嗰陣老闆娘發現佢哋冇帶遮，仲好主動借咗把長遮畀佢哋，叫佢哋之後行過先還返，果然呢度真係好有人情味，之後都會多啲幫襯！
黎到居酒屋梗係食下啲串燒，我哋本身都有食咗嘢，所以今餐就當係宵夜啦！
串燒
10 views
0 likes
0 comments
我哋嗌咗燒雞心、雞腎、雞軟骨、鴨舌同埋牛小排，真係款款都好好食，店員燒嘅火候啱啱好，食落甘香酥脆！
日本甜薯天婦羅
11 views
0 likes
0 comments
呢款日本甜薯天婦羅都係好好食！佢炸到好脆，而且甜薯本身食落都好粉同埋好鮮甜。
油甘魚壽司
4 views
0 likes
0 comments
最後，見到之前啲食評都讚呢度嘅刺身好新鮮，所以就叫咗個最愛嘅油甘魚壽司試下，油甘魚食落雖然比較瘦啲，但係都真係幾新鮮，唔似喺爭X食到嗰啲咁，好多時有陣唔新鮮嘅腥味。
食緊嗰陣落緊好大雨，仲係有黃雨警告信號，隔離有一台走嗰陣老闆娘發現佢哋冇帶遮，仲好主動借咗把長遮畀佢哋，叫佢哋之後行過先還返，果然呢度真係好有人情味，之後都會多啲幫襯！
Post
