Video
Read full review
2017-11-27
1109 views
頭先啱啱買完壽司即刻要返嚟寫食評今日做嘢經過附近見到就一心諗住買返屋企啦夜晚做晚餐，入到去見到都好多款式同埋仲有生蠔添！本來一心諗住買生蠔同壽司，跟住見到咁啱有啲拼盤做特價，咁就揀咗一盒！跟住再諗住叫啲散件，同生蠔返屋企慢慢歎～點知行去揀散裝嘅時候屋企係個壽司雪櫃面前，有一個店員喺度打緊機，我已經特登棋喺度我都已經冇吹佢但係佢依然係冇招呼，咁無辦法啦我只好講句：唔該但係換來嘅係佢冇任何嘅回應淨係望住我黑面，其實我真係以為我係咪之前識得佢，唔通我害過佢架？個樣衰到真係冇朋友， 都唔緊要我依然保持住我做人應該有嘅禮貌，但係每一下佢都係黑面黑面再黑面！由於我唔想再食貓麵，所以我都決定唔問佢關於生蠔嘅嘢索性唔買就算數，隻眼刪咗上天花板冇望過我講咗一句$139，我真係想問佢，佢無事呀嘛？ 我欠左你咩？直情就咁入咗膠袋野都唔講放喺度,完全冇諗過攞個膠袋俾我!哥哥我點知你入齊啲嘢未啊你又唔出聲，即刻耷低個頭繼續打機，唔緊要我諗緊會唔會係人天生佢係咁嘅性格嘅，但係見佢即刻轉個頭同佢同事講嘢係好正常架個樣！其實我真係覺得大家出嚟做嘢對住個客正常都係笑嘅，咁我覺得冇理由要求你笑，但你都唔好黑我面啦，我只係
今日做嘢經過附近見到就一心諗住買返屋企啦夜晚做晚餐，入到去見到都好多款式同埋仲有生蠔添！本來一心諗住買生蠔同壽司，跟住見到咁啱有啲拼盤做特價，咁就揀咗一盒！跟住再諗住叫啲散件，同生蠔返屋企慢慢歎～
點知行去揀散裝嘅時候屋企係個壽司雪櫃面前，有一個店員喺度打緊機，我已經特登棋喺度我都已經冇吹佢但係佢依然係冇招呼，咁無辦法啦我只好講句：唔該
但係換來嘅係佢冇任何嘅回應淨係望住我黑面，其實我真係以為我係咪之前識得佢，唔通我害過佢架？個樣衰到真係冇朋友， 都唔緊要我依然保持住我做人應該有嘅禮貌，但係每一下佢都係黑面黑面再黑面！由於我唔想再食貓麵，所以我都決定唔問佢關於生蠔嘅嘢索性唔買就算數，隻眼刪咗上天花板冇望過我講咗一句$139，我真係想問佢，佢無事呀嘛？ 我欠左你咩？直情就咁入咗膠袋野都唔講放喺度,完全冇諗過攞個膠袋俾我!哥哥我點知你入齊啲嘢未啊你又唔出聲，即刻耷低個頭繼續打機，唔緊要我諗緊會唔會係人天生佢係咁嘅性格嘅，但係見佢即刻轉個頭同佢同事講嘢係好正常架個樣！其實我真係覺得大家出嚟做嘢對住個客正常都係笑嘅，咁我覺得冇理由要求你笑，但你都唔好黑我面啦，我只係為食就入嚟買嘢食咋！冇人買嘢食你都唔使返工啦！
我真係好想知你係咪老闆，如果你係打工我真係鄧你老細可憐！你根本就係唔想人阻住你打機所以就黑面，如果你係老闆就恭喜你啦！你可以好快返屋企休息
講返食物
普普通通中規中矩，都幾抵食嘅！
同埋一定會食得飽,因為店員會請你免費食貓麵
Post
