Maki拉麵 (Moved) New Location

廟街係香港食本土地道嘢嘅地方，例如：煲仔飯、牛雜、街頭小食等等。但今日嚟到廟街竟然發生奇妙事件，因為出現咗一間日本style嘅拉麵店，好似轉眼間由香港去咗日本呀！我哋喺餐廳外面就被特濃嘅豚骨湯深深吸引，一於入去油麻地嘅Maki拉麵試試啦！櫻花蝦辛辣拉麵特濃嘅豚骨湯真係周街都係，所以餐廳加以改造，喺白色嘅特濃豚骨濃湯以外，另加上黑、赤、橙、藍湯底，夠晒創意。我就叫咗代表赤嘅櫻花蝦辛辣拉麵，湯底唔算好辣，淡淡嘅辣油香味，令湯底更惹味！另外，湯麵入面放有一餅類似櫻花蝦嘅天婦羅，講真我就麻麻哋喇，因為浸咗湯之後，完全唔脆口，加上炸過後嘅櫻花蝦未能令湯底浸出櫻花蝦香味。特濃豚骨濃湯拉麵代表白色，最原始嘅特濃豚骨濃湯拉麵，確實係餐廳嘅代表作。滑底嘅豬骨味濃郁，又唔會太油膩，加上餚製多時，所以湯色呈奶白色。拉麵放有一大塊紫菜、兩大片日式叉燒，半隻流心蛋等，拉麵掛湯一流，麵質軟硬度仲可以自由選擇。串燒除咗拉麵，餐廳亦有串燒食。串燒選擇好多，我哋就叫咗厚燒牛舌、鹽燒雞腎同鹽燒雞翼。所有串燒都係即叫即燒，夠晒香噴噴！厚切嘅串燒牛舌好有口感，少少鹹香味就已經非常惹味；鹽燒雞腎就非常爽口，值得一試；鹽燒雞翼嘅