Video
Read full review
2017-06-25
1433 views
是夜同幾位朋友去尖沙咀睇戲，晚餐揀咗深夜食堂，貪佢地點就腳（位於厚福街），而且食物選擇多，絕對可以滿足所有人。一口安格斯＄88肉質非常腍，調味出色，一口一粒，非常滋味！龍蝦沙律小食＄52清新之選。燒油甘魚鮫＄70我個人最鍾意呢碟油甘魚鮫，燒得剛剛好，魚肉依然嫩滑細緻，而且香味無窮，配埋醬汁食，真係一流！蒲燒鰻魚飯＄88鰻魚比較迷你，不算肥美，但味道很好，可以一試。秘汁白鱔燒（一串） ＄68白鱔又係冇得輸，滑劣劣，秘製醬汁令佢加分不少！川式燒茄子（一條） ＄68非常濃味嘅燒茄子，採用川式調味，朋友話係全晚最好食嘅！香味牛肉配黑松露鵝肝什菌飯＄148食到嚟呢度我哋已經好飽啦，但仍然無損我哋對呢鍋飯嘅評價。牛肉、黑松露、鵝肝、什菌共冶一爐，香氣撲鼻，大家一致讚好！芝士蝦球（六粒） ＄38可以拉絲的芝士蝦球，芝士控必點！板燒黑松露帶子（四件） ＄68章魚大阪燒＄108大阪燒非常厚身，如果點左其他飯類、麵類，就要考慮下食唔食得落（最後朋友打包左大半件返屋企）。酥炸廣島蠔＄48炸物同樣出色，外皮酥脆，內裏熱燙多汁，正！全晚座無虛席，而店員人手緊絀，見佢哋忙得一頭煙，都唔好意思催促佢哋太多，所以服務
一口安格斯＄88
肉質非常腍，調味出色，一口一粒，非常滋味！
龍蝦沙律小食＄52
清新之選。
燒油甘魚鮫＄70
我個人最鍾意呢碟油甘魚鮫，燒得剛剛好，魚肉依然嫩滑細緻，而且香味無窮，配埋醬汁食，真係一流！
蒲燒鰻魚飯＄88
鰻魚比較迷你，不算肥美，但味道很好，可以一試。
秘汁白鱔燒（一串） ＄68
白鱔又係冇得輸，滑劣劣，秘製醬汁令佢加分不少！
川式燒茄子（一條） ＄68
非常濃味嘅燒茄子，採用川式調味，朋友話係全晚最好食嘅！
香味牛肉配黑松露鵝肝什菌飯＄148
食到嚟呢度我哋已經好飽啦，但仍然無損我哋對呢鍋飯嘅評價。牛肉、黑松露、鵝肝、什菌共冶一爐，香氣撲鼻，大家一致讚好！
芝士蝦球（六粒） ＄38
可以拉絲的芝士蝦球，芝士控必點！
板燒黑松露帶子（四件） ＄68
章魚大阪燒＄108
大阪燒非常厚身，如果點左其他飯類、麵類，就要考慮下食唔食得落（最後朋友打包左大半件返屋企）。
酥炸廣島蠔＄48
炸物同樣出色，外皮酥脆，內裏熱燙多汁，正！
全晚座無虛席，而店員人手緊絀，見佢哋忙得一頭煙，都唔好意思催促佢哋太多，所以服務質素不能要求太多，但食物水準的確可以，來尖沙咀不妨一試！
Post
