樂天經典

Open Now

Now Closed

📍樂天經典同樂天皇朝唔同，呢度主打粵菜同埋新加坡菜，今次揀咗$668嘅二人餐，除咗小炒仲可以食到螃蟹。個餐會包咗一款前菜、熱炒、螃蟹、主食、甜品同飲品。蒜香紅海頭幾爽口，份量都多，酸酸地加埋啲青瓜絲，做前菜啱啱好。熱炒就揀咕嚕肉，係幾脆口，不過就味道偏甜冇咩酸味。唔想食炒飯咁熱氣，主食試咗古早魚香老鼠粉煲，熱辣辣成鍋送上嚟，店員仲會幫手撈勻，另外仲會配一個鹹魚青檸汁加埋落去就更加鮮味！螃蟹我哋揀咗花雕雞油清蒸，因為我哋揀咗蒸蟹，蟹肉味幾出，個底仲會有蒸水蛋可以食埋。最後仲有甜品酸柑香茅凍或者清心丸綠豆爽可以二揀一～