Peko Peko Eatery (康怡廣場北座) (Closed)

星期日夜晚同老公去左屋企附近新開既餐廳食晚飯。法式龍蝦沙律多士 每一啖都係滿滿既龍蝦沙律，多士非常酥脆，同龍蝦沙律係perfect match，推薦。軟殼蟹墨西哥夾餅軟殼蟹幾脆身，咬落去唔會成口油淋淋，而墨西哥夾餅要自己夾住啲配料食，口感幾煙韌。扇貝·明太子意大利麵醬汁呈現粉紅色，好少女，食落十分creamy，扇貝好嫩滑彈牙，仲有魷魚添，好食。香蒜和牛粒炒飯和牛粒唔會韌唔會鞋，炒飯用左泡菜、菇粒、蒜片黎炒，都幾惹味，份量夠飽肚。