Video
Read full review
2018-12-13
482 views
食物 - 嗌咗兩個lunch set：Set B（BBQ燒雞扒芝士定食+味噌湯）：- 味噌湯無味，可以當茶飲- 定食附送一個小食，係唔知咩汁浸冬菇，食咗半塊放返低- 雞扒普通，算無雪味；個汁似茄汁多過燒烤汁；芝士普通；成個餸好普通，住宅區茶記$55碟頭飯質素- 份量雖然下會常，但平時算大食又怕徙嘢食嘅我都食唔落去，食剩咗半舊雞扒同兩啖飯Set F（唔記得咩汁煎豬扒+羅宋湯）：- 羅宋湯好稀，無味，可取嘅地方係溫度適中- 跟湯個包幾好食，成餐嘅亮點- 好抱歉真係唔記得咗主菜個汁係咩，食完都唔知個汁係咩，總之啡色，鹹鹹甜甜咁- 個豬扒食落似超市雪藏雞扒，可能我哋記錯餐牌，或者其實係食緊分子料理用雞扒扮豬扒- 豬扒有部份過燶- 搭配豬扒嘅係有幾片過生嘅青瓜，同兩粒算好食嘅車厘茄飲品 - 由於以上兩個餐嘅質素完全耗盡我哋兩個嘅胃口，無餘地再嘆咖啡，所以求其嗌咗兩杯凍奶茶。除咗茶味過濃之外無咩特別服務 - 正常，以近乎坐滿嘅入座率（竟然）算understaffed，但服務都算唔差，辛苦哂價錢 - 以咁嘅食物收我近$150，令我不禁慨嘆香港地租金真係好昂貴上一次食已經係幾年前，喺其他分店，不過係食
Set B（BBQ燒雞扒芝士定食+味噌湯）：
- 味噌湯無味，可以當茶飲
- 定食附送一個小食，係唔知咩汁浸冬菇，食咗半塊放返低
- 雞扒普通，算無雪味；個汁似茄汁多過燒烤汁；芝士普通；成個餸好普通，住宅區茶記$55碟頭飯質素
- 份量雖然下會常，但平時算大食又怕徙嘢食嘅我都食唔落去，食剩咗半舊雞扒同兩啖飯
Set F（唔記得咩汁煎豬扒+羅宋湯）：
- 羅宋湯好稀，無味，可取嘅地方係溫度適中
- 跟湯個包幾好食，成餐嘅亮點
- 好抱歉真係唔記得咗主菜個汁係咩，食完都唔知個汁係咩，總之啡色，鹹鹹甜甜咁
- 個豬扒食落似超市雪藏雞扒，可能我哋記錯餐牌，或者其實係食緊分子料理用雞扒扮豬扒
- 豬扒有部份過燶
- 搭配豬扒嘅係有幾片過生嘅青瓜，同兩粒算好食嘅車厘茄
飲品 - 由於以上兩個餐嘅質素完全耗盡我哋兩個嘅胃口，無餘地再嘆咖啡，所以求其嗌咗兩杯凍奶茶。除咗茶味過濃之外無咩特別
服務 - 正常，以近乎坐滿嘅入座率（竟然）算understaffed，但服務都算唔差，辛苦哂
價錢 - 以咁嘅食物收我近$150，令我不禁慨嘆香港地租金真係好昂貴
上一次食已經係幾年前，喺其他分店，不過係食甜品，對呢個chain嘅感覺都唔錯。今次當然有啲失望，但係唔同分店，食嘅又唔係甜品，有同一個程度嘅expectation好似唔太公平。唯有希望餐廳繼續努力，設計好嘅菜式令客人食到瀨哂碟，不致浪費食物。
Post