Video
Read full review
2018-03-10
1615 views
無意中發現到觀塘開左一間叫廿一由八嘅餐廳，上網睇完發現原來係一間集合賣木匠、木家具，搞木工工作班同有野食嘅餐廳! 💫廿一由八由地鐵站行去大約五分鐘左右，係觀塘嘅工廠大廈入面，一上去出lift就會見到好靚嘅字體寫住EST廿一由八2014。入左去之後會有部份位置係用嚟放置廿一由八自家製嘅家具，全部都係全人手製作，而且仲可以訂造唔同嘅傢俱。圖中左邊會有一塊大玻璃可以見到workshop嘅上堂情況，右邊位置就係食野/飲咖啡位置，無論係一個人黎放鬆定幾個人嚟吹水都可以🙌🏻食品方面其實選擇唔多，Set Lunch只有三款，而我同朋友就簡左「挪威煙三文魚藜麥番薯餅配牛油果醬及黃梅果醬」同「軟殼蟹番茄乾發達芝士扁意粉」。「挪威煙三文魚藜麥番薯餅配牛油果醬及黃梅果醬」($83連餐飲)🍴除左三文魚藜麥番薯之外，個餅入面仲有洋蔥，個人覺得洋蔥個味有小小重，會搶去左本身食物嘅味道，三文魚味道不過不失，牛油果醬加埋黃梅果醬係幾好嘅配搭，牛油果本身唔係一個味道好出嘅食物，所以配搭得剛好，黃梅果醬唔似係自家製，但係果肉同個醬配落個餅度係唔錯! 😋另外仲會配左啲簡單嘅沙津同醋，整體不錯，但如果自己一個人食依個set
入左去之後會有部份位置係用嚟放置廿一由八自家製嘅家具，全部都係全人手製作，而且仲可以訂造唔同嘅傢俱。
圖中左邊會有一塊大玻璃可以見到workshop嘅上堂情況，右邊位置就係食野/飲咖啡位置，無論係一個人黎放鬆定幾個人嚟吹水都可以🙌🏻
食品方面其實選擇唔多，Set Lunch只有三款，而我同朋友就簡左「挪威煙三文魚藜麥番薯餅配牛油果醬及黃梅果醬」同「軟殼蟹番茄乾發達芝士扁意粉」。
挪威煙三文魚藜麥番薯餅配牛油果醬及黃梅果醬
$83
87 views
0 likes
0 comments
「挪威煙三文魚藜麥番薯餅配牛油果醬及黃梅果醬」($83連餐飲)🍴
除左三文魚藜麥番薯之外，個餅入面仲有洋蔥，個人覺得洋蔥個味有小小重，會搶去左本身食物嘅味道，三文魚味道不過不失，牛油果醬加埋黃梅果醬係幾好嘅配搭，牛油果本身唔係一個味道好出嘅食物，所以配搭得剛好，黃梅果醬唔似係自家製，但係果肉同個醬配落個餅度係唔錯! 😋另外仲會配左啲簡單嘅沙津同醋，整體不錯，但如果自己一個人食依個set lunch又無其他野食就會略嫌有小小”悶”☝🏻
軟殼蟹蕃茄乾發達芝士扁意粉
67 views
0 likes
0 comments
「軟殼蟹蕃茄乾發達芝士扁意粉」($92連餐飲)🍴
店員上菜時我見到原隻軟殼蟹🦀放左喺意粉上面，都幾得意。依款午餐都係會配返小小簡單嘅沙津同醋，另外仲有🍋檸檬比你自己調味，不過我個人覺得唔落都可以，因為食落芝士味都幾足夠。個意粉我個人黎講係幾鐘意嘅，意粉雖然有蕃茄🍅，但因為只係蕃茄乾嘅關係，味道唔會搶，另外我諗大家見到白色一細舊果啲就係發達芝士，依個意粉有趣嘅地方係食落唔知點解會覺得好似每條意粉外層都有薄薄嘅芝士包住，食落芝士感好豐富🧀🧀🧀🧀，但係又唔會有膩嘅感覺，另外原隻軟殼蟹口感不錯。
另外跟餐方面叫左杯熱咖啡，但係就令我有點失望😢，本身個咖啡底係好苦，而且有咖啡酸味，個人而言唔係太鐘意。
香梨薑黃吉士蛋糕配檸檬醬
$35
65 views
1 likes
0 comments
最後仲叫多左個「香梨薑黃吉士蛋糕現配檸檬醬」($35)，本身以為成件蛋糕應該都係鬆軟嘅，但食落發現蛋糕外層係有小小硬嘅，當時諗會唔會中伏？🙄但食落發現佢個味道好香，好易入口😋😋，食落只係有好輕微嘅薑味，所以就算唔鐘意薑嘅朋友都可以照食，不過係蛋糕外層可以改善些少，令佢唔好太硬。
填飽個肚之後其實都可以到處走下，因為店內嘅木工傢俱都好靚同打磨得好平滑，佢地仲放置左一啲小型嘅傢俱模型擺設出黎，欣賞廿一由八無論係食物定木工方面對「美」嘅堅持!🥀
Post
