Video
Read full review
2010-04-29
1586 views
尋日係結婚周年紀念, 就揀左依間拍拖時常常去既吧, 當然係為左佢隊band啦!呢度係飲嘢傾計睇表演為主, 食物唔係最重要. 入座時係8點, 人少少, 絕對唔使訂位, 啱晒我呢啲即興搵食既人. House wine 做特價, 所以叫左兩支白酒. 難得仲係幾清靜幾好氣氛, 可以傾下計先.上菜唔算慢, 晚餐係我嘅例牌steak sandwich, 法包脆卜卜, 比以前係易嚼啲, 舊牛排就有少少筋, 不過不失, 但係伴碟既薯條肥大鬆軟, 加上hp醬汁, 冇得彈!老公叫咗個炒雞柳飯, 出乎意料之外地貌似中式碟頭飯, 本來覺得90幾蚊一份碟頭飯好似有啲過份, 不過見佢食到lam lam 脷, 都ok啦. 其實如果計埋live show, 呢個價錢都絕對係值得嘅.9點半戲肉終於出場, 隊jazz band仲係個幾個artists, 只係換咗一個人. 其實試過日頭見到佢地係海洋公園表演, 夜晚就係呢度開show. 個saxphone阿伯老左好多啦, 個茶煲鬼佬都仲係冇咩變, 連佢吹茶煲既絕活都冇變 {去幫襯過既朋友一定會記得), 真係難得. 懷舊係唔一定要去古蹟嘅!! 呢個時候人開始
呢度係飲嘢傾計睇表演為主, 食物唔係最重要. 入座時係8點, 人少少, 絕對唔使訂位, 啱晒我呢啲即興搵食既人. House wine 做特價, 所以叫左兩支白酒. 難得仲係幾清靜幾好氣氛, 可以傾下計先.
上菜唔算慢, 晚餐係我嘅例牌steak sandwich, 法包脆卜卜, 比以前係易嚼啲, 舊牛排就有少少筋, 不過不失, 但係伴碟既薯條肥大鬆軟, 加上hp醬汁, 冇得彈!
老公叫咗個炒雞柳飯, 出乎意料之外地貌似中式碟頭飯, 本來覺得90幾蚊一份碟頭飯好似有啲過份, 不過見佢食到lam lam 脷, 都ok啦. 其實如果計埋live show, 呢個價錢都絕對係值得嘅.
9點半戲肉終於出場, 隊jazz band仲係個幾個artists, 只係換咗一個人. 其實試過日頭見到佢地係海洋公園表演, 夜晚就係呢度開show. 個saxphone阿伯老左好多啦, 個茶煲鬼佬都仲係冇咩變, 連佢吹茶煲既絕活都冇變 {去幫襯過既朋友一定會記得), 真係難得. 懷舊係唔一定要去古蹟嘅!!
呢個時候人開始多, 多到要搭枱, 加上音樂聲, 基本上已經好難傾到計, 我哋都聽咗兩節先至走. 500個大洋, 又食又飲又睇show, 抵晒
第日啲小朋友夠18歲, 一定會帶埋佢哋去見識下, 見證下父母以前拍拖嘅地方, 一定好有趣! 希望佢地努力做落去啦, The show must go on!!
Post