Video
Read full review
2023-05-14
56 views
呢間樓上印度菜，啲枱枱凳凳都係綠色同橙色，色彩豐富，仲有啲特色嘅壁畫塗鴉，好有異國風情！菜式味道正宗，餐廳滿滿嘅都係印度香料嘅味道，連侍應都係印度人，出品都有返咁上下～Menu淨係講咖哩都有好多種，食落香料味道幾出而且都幾夠辣！平時佢有lunch set，包晒主食同嘢飲都係$100左右，都幾抵食！小店裏面仲有獨立房間，如果一大班朋友嚟聚會，想試吓異國菜，呢度都幾適合！------------------------------🥠◖印度脆米球◗ $75呢度傳統嘅印度小食真係必試，首先將甜甜地嘅薯仔加入去脆卜卜嘅米球裏面，加入甜辣嘅醬汁同埋酸酸地嘅薄荷汁，卜卜脆，味道酸酸辣辣，清新得嚟又幾開胃！ 🥘◖印度燴羊肉◗ $158有五大嚿羊肉，均勻裹上咖喱汁，仲有好多我一疏疏嘅羊肉絲喺咖喱醬裏面，望落細細兜但都幾足料！咖喱底最主要係瑪莎拉咖喱同蕃茄醬，香料味濃郁而且夠好辣！🍢◖香草串燒雞柳◗ $138雞柳面頭搽咗好多辣味香料，所以食落味道會比較辣，加入檸檬汁同埋佢秘製嘅青醬，有啲青草香味，更加帶得出佢烤雞嘅香味～🫓◖蒜蓉烤餅◗ $29一上枱，嗰陣蒜蓉香氣撲面而嚟，超級香！食落口感比較鬆軟，批底帶啲
------------------------------
🥠◖印度脆米球◗ $75
呢度傳統嘅印度小食真係必試，首先將甜甜地嘅薯仔加入去脆卜卜嘅米球裏面，加入甜辣嘅醬汁同埋酸酸地嘅薄荷汁，卜卜脆，味道酸酸辣辣，清新得嚟又幾開胃！
🥘◖印度燴羊肉◗ $158
有五大嚿羊肉，均勻裹上咖喱汁，仲有好多我一疏疏嘅羊肉絲喺咖喱醬裏面，望落細細兜但都幾足料！咖喱底最主要係瑪莎拉咖喱同蕃茄醬，香料味濃郁而且夠好辣！
🍢◖香草串燒雞柳◗ $138
雞柳面頭搽咗好多辣味香料，所以食落味道會比較辣，加入檸檬汁同埋佢秘製嘅青醬，有啲青草香味，更加帶得出佢烤雞嘅香味～
🫓◖蒜蓉烤餅◗ $29
一上枱，嗰陣蒜蓉香氣撲面而嚟，超級香！食落口感比較鬆軟，批底帶啲韌勁，點少少咖喱好好食～
🥙◖烤麥餅◗ $21
麥味濃郁，批邊有啲脆皮，整體口感比較硬身，搽上咖喱再擺嚿羊肉喺上面，夾埋一齊食有啲似食緊比較煙靭嘅pizza～
🌟 Encore指數：8.5/10
Post
