祥仔辣辣 (雅蘭中心) (Closed)

由於疫情影響，已經好耐無返上大陸食酸菜魚，所以一直係香港希望搵到好食既酸菜魚。知道旺角有一間新開既祥仔辣辣既餐廳，特登慕名而來一試酸菜魚既味道。祥仔辣辣位於旺角雅蘭中心，係正地鐵站出口隔離交通方便，去到無人排隊，但係門口企左好耐都無人出來招呼。等左十分鐘終於先人來招呼入座，明顯人手不足。一入到去睇到餐牌套餐做緊特價288，而且款式唔小，一於就叫嚟試下。上菜速度都可以接受，等左5分鐘左右先嚟左川辣口水雞，雞質地普通，一般市面食到既口水雞既味道。再黎惹火木耳，都算爽口，前菜嚟講可以接受。祥仔招牌水煮魚，叫得招牌酸菜魚，搞到人地好大期望，點知食落口就好大失望，由先個湯無乜味，無乜味都唔會特別去飲，酸同辣味都唔突出，如果驚食辣既朋友可以試下，我就真係覺得無咩味，魚肉都還算可以。噴火小籠包，比較叫有特色既一味菜式，比一般小籠包唔同，主打辣味為主。香芹豬肉水餃，一啖過，但好難食，食唔落成舊吐返出嚟。乾匾四季豆，算係成個套餐最出色的一味菜，入味同爽口，比其他菜式好味。成個套餐黎講，真係幾失望由期是係酸菜魚個一部份，滿心歡喜食酸菜魚，但估唔到落差咁大。應該都無下次再黎食。