5% Cafe

Open Now

Now Closed

話說今日同老友參加完呢個比卡超跑步活動就諗住出發去旺角食中午餐，網上搵下資料就決定黎呢間樓上cafe食，睇圖見d食物都幾好同咁多好評就一於黎試試。餐廳環境唔算好大，可能中午時間無乜人燈光比較暗，坐位黎講比較矮d，生得高既朋友可能會坐得辛苦少少，門口都放左d棋類同紙牌遊戲俾人玩。睇下餐牌，主要都係西餐，價錢黎講相對進取少少。香脆龍脷柳拼牛肝菌汁長通粉龍脷柳一睇就知炸得比較乾，加上比較薄身所以感覺再乾d，調味唔算重所以食落比較淡，牛肝菌汁就算幾好，長通粉都夠熱，不過條魚就真係麻麻。5%黑松露手打牛肉芝士漢堡配薯條首先一黎到我見到塊漢堡扒已經覺得麻麻，手打牛肉做得比較圓同厚身，面積較細，顏色唔夠金黃，食落都唔香口，感覺唔似煎出黎，質地都好易散，一切開就碎，而且好乾無肉汁無調味，好淡，黑松露醬都好淡無乜味，幾好既就係個包底烘得幾香脆，有少少脆豬仔包既感覺，配菜就有d生菜同蕃茄算幾新鮮，薯條就加返d分用粗薯同新鮮炸起。rainbow打卡用既飲品，主要都係甜既梳打水。精選蛋糕跟餐加28蚊多個甜品，揀左奶茶味同咖啡味，咖啡味果隻濃d，奶茶味就淡d。整體黎講呢餐係失望既，價錢黎講偏貴得黎食物水準強差人