Video
Read full review
2022-07-02
489 views
呢間日式串燒店bookmark咗好耐，終於有機會試一試！餐廳外面裝修好有日本feel，但門口設計到好矮，雖然好特別但入嘅時候有少少唔方便，不過入到去就好似去咗另一個世界。餐廳食品款式大致上一目了然。部分雞肉串燒採用奈良大和妃子雞，即時令成個晚餐高級咗，所以特意點了幾款妃子雞串！第一碟上嘅係燒秋葵。秋葵燒得剛剛好，醬汁味道好足夠。然後就到厚燒牛舌，呢份牛舌真係超！級！出！色！！！！但一份要$88，而其實都只係3大粒切開。牛舌燒到外脆內軟！平時食牛我會揀medium rare，所以火燒完中間仍然帶粉紅色嘅燒牛舌，真係好啱我口味❤️加上牛舌切得夠厚，爽口得嚟唔會咬唔開，口感一流！真係要燒得剛好先可以有呢個效果！所以超級好味！！！另一碟非常出色嘅，就係呢個自家製雞肉丸配黃金蛋！雞肉丸口感好特別，因為佢入面應該加入雞軟骨，所以雞肉丸好有咬口！加上雞肉丸係汁燒！醬汁味道濃而帶甜，令雞肉丸更惹味！點埋日本蛋一齊食，令成支雞肉丸錦上添花！非常值得推介！！！平時一般喺普通串燒店食到嘅現成雞皮又長又脆，似食薯片。但木户選用大和雞嘅雞皮較厚，一塊塊用竹簽串起，外面燒到脆，內裡依舊雞皮少少軟嘅口感，好有日本風味
餐廳食品款式大致上一目了然。
部分雞肉串燒採用奈良大和妃子雞，即時令成個晚餐高級咗，所以特意點了幾款妃子雞串！
燒秋葵
$30
19 views
0 likes
0 comments
第一碟上嘅係燒秋葵。秋葵燒得剛剛好，醬汁味道好足夠。
厚燒牛舌
$88
20 views
0 likes
0 comments
然後就到厚燒牛舌，呢份牛舌真係超！級！出！色！！！！但一份要$88，而其實都只係3大粒切開。
厚燒牛舌
$88
10 views
0 likes
0 comments
牛舌燒到外脆內軟！平時食牛我會揀medium rare，所以火燒完中間仍然帶粉紅色嘅燒牛舌，真係好啱我口味❤️加上牛舌切得夠厚，爽口得嚟唔會咬唔開，口感一流！真係要燒得剛好先可以有呢個效果！所以超級好味！！！
自家製雞肉丸配黃金蛋
$48
16 views
0 likes
0 comments
另一碟非常出色嘅，就係呢個自家製雞肉丸配黃金蛋！雞肉丸口感好特別，因為佢入面應該加入雞軟骨，所以雞肉丸好有咬口！加上雞肉丸係汁燒！醬汁味道濃而帶甜，令雞肉丸更惹味！點埋日本蛋一齊食，令成支雞肉丸錦上添花！非常值得推介！！！
大和雞雞皮
$42
9 views
0 likes
0 comments
平時一般喺普通串燒店食到嘅現成雞皮又長又脆，似食薯片。但木户選用大和雞嘅雞皮較厚，一塊塊用竹簽串起，外面燒到脆，內裡依舊雞皮少少軟嘅口感，好有日本風味！一串大約有5塊，份量都算適中。
大和雞大蔥雞腿肉
$42
5 views
0 likes
0 comments
大和雞大蔥雞腿肉，雖然雞肉嘅肉質彈牙，加上就咁燒先會帶出雞肉味。但可能味道太淡，個人認為可以加上少少鹽，令雞肉更惹味。
韮菜芝士豚肉卷
$42
7 views
0 likes
0 comments
一串有2大件嘅韭菜豚肉卷，豚肉肉質好，火候亦控制得剛剛好，令整個卷唔會好硬，一咬就開。加上有拉芝喺面，味道都非常夾。
天婦羅沖繩涼瓜大蝦卷
$52
5 views
0 likes
0 comments
用大蝦包住沖繩苦瓜，再用炸物天婦羅方式一齊炸。老實說，唔太夾，因為涼瓜有啲苦，但分開每樣食都好味。燒汁本來係提供俾伴碟嘅日本椰菜一齊食去減低油膩感覺，但個人認為大蝦同苦瓜都可以點，會更好味。
整體來講，木户食物質素比一般串燒店明顯高級，價錢當然亦一樣比較高，所以個人認為性價比還好。但如果想搵間有日本風味嘅串燒店，木户的確係個幾好嘅選擇！加上有師傅喺你面前一串一串咁燒，所以坐bar table有埋表演睇都好享受。
(滿分為🤤x5)
好味指數: 🤤🤤🤤🤤
抵食指數: 🤤🤤🤤
回頭指數: 🤤🤤🤤
Post
