德發牛丸粉麵

Open Now

Now Closed

德發牛丸係我以前成日都會幾嘅食店, 不過有成幾年冇黎到, 唔知水準有冇差到呢?今日同朋友黎到, 我地兩個人都唔係好肚餓, 所以就只係叫左一碗麵同多士去share黎食. 招牌牛丸麵好快就送到, 今次叫嘅係雙拼, 牛腩同牛丸. 呢度雙拼幾特別, 因為係同單拼賣一樣價錢嘅, 客人就唔會覺得雙拼太貴而止步了. 牛丸係呢度嘅名物, 出名夠彈牙, 爽口. 冇食咁耐, 口感方面都keep到準, 但係牛味就比起以前少左啲. 至於牛腩都唔錯, 炆左好耐, 肉質鬆化, 但就稍嫌過肥了一點.另外仲叫左杯紅豆冰, 有成三分二杯紅豆, 十分足料! 紅豆煮得香甜軟腍, 配上碎冰同吃真係夠晒消暑!鮮油奶多亦都係德發必試嘅食物. 鮮油奶多其實就只係喺多士中間夾著冰凍嘅牛油同香濃嘅煉奶. 但就正正係呢幾樣咁簡單嘅材料配搭起黎就足以令人食完後有幸福的感覺. 唔怕肥嘅我仲加左少少砂糖上去, 砂糖嘅甜味同沙沙嘅口感簡直係令幸福感覺倍加!!!至於西多士就唔係太討好喇, 炸得唔夠脆, 食落去腍滋滋, 好油, 唔推薦.