Video
Read full review
2015-11-23
711 views
同舊同學難得一次gathering,有一個同學仔話最近試過一間尖沙咀既餐廳值得推介，所以我地就決定去個度試一試。 去到先知道間餐廳叫wing's kitchen, 係食意大利野，係鋪外可以見到入邊環境唔錯，而且已經佈置好聖誕既裝飾。 店入邊係使用木造既家俱，加上柔和既燈光，比人一種簡潔得黎又帶有溫暖既感覺。由於有一個同學已經黎過呢間餐廳食，所以我地就決定比佢話事，點一d佢覺得值得推介既野食。 佢首先叫左一份"wing's to go" chicken wing,佢話呢個係招牌菜，一定要試一下。 雞翼好大隻， 而且佢炸得好好，外皮好脆，唔會油 “淋淋”~再配合埋蜜糖芥末醬，味道一流！ 之後我地叫左個大力水手pizza。pizza份量岩岩好， 岩我地三個人食。Pizza的用料份量很足, 分別有 芝士，菠菜，茄醬同埋兩隻半生熟雞蛋整中間， 非常特別，加上pizza上邊令到口感更加豐富。 最後叫左個炸魚薯條配田園沙律，睇餐牌個張圖仲以為佢得一大塊，點知原來佢有三大件，份量非常充足！而且味道都唔錯，外皮鬆脆，內裹魚肉嫩滑，最後食到我地三個都飽哂。 Hot Chocolate我仲叫左杯熱朱古
同舊同學難得一次gathering,
有一個同學仔話最近試過一間尖沙咀既餐廳值得推介，所以我地就決定去個度試一試。
去到先知道間餐廳叫wing's kitchen, 係食意大利野，
係鋪外可以見到入邊環境唔錯，而且已經佈置好聖誕既裝飾。
店入邊係使用木造既家俱，
加上柔和既燈光，
比人一種簡潔得黎又帶有溫暖既感覺。
由於有一個同學已經黎過呢間餐廳食，
所以我地就決定比佢話事，
點一d佢覺得值得推介既野食。
佢首先叫左一份"wing's to go" chicken wing,
佢話呢個係招牌菜，一定要試一下。
雞翼好大隻， 而且佢炸得好好，外皮好脆，唔會油 “淋淋”~
再配合埋蜜糖芥末醬，味道一流！
之後我地叫左個大力水手pizza。
pizza份量岩岩好， 岩我地三個人食。
Pizza的用料份量很足, 分別有 芝士，菠菜，茄醬同埋兩隻半生熟雞蛋整中間， 非常特別，加上pizza上邊令到口感更加豐富。
最後叫左個炸魚薯條配田園沙律，
睇餐牌個張圖仲以為佢得一大塊，點知原來佢有三大件，份量非常充足！
而且味道都唔錯，外皮鬆脆，內裹魚肉嫩滑，最後食到我地三個都飽哂。
Hot Chocolate
我仲叫左杯熱朱古力， 呢杯朱古力賣相相當吸引。
係泡沫上邊有朱古力粉，味道唔會太過甜，有少少苦澀既味道，好岩我口味。
整體來說，呢間餐廳的確係幾唔錯，無論是環境定係食物上，環境好有氣氛同格調，適合三五知已靜靜地傾下計。
Post
